Röng frétt

Fréttin er röng. Rétt er að GM keypti 50% hlut í fyrirtækinu af Daimler AG (Mercedes Benz) árið 2007 og á þann hlut enn. Hinn helminginn átti fyrirtæki sem heitir Penske Corporation og þeir seldu Fiat sinn hlut 2011. Þannig að í dag eiga GM og Fiat fyrirtækið saman 50% hvor. Þetta má lesa á heimasíðu VM Motori ef menn vilja staðfestingu.

Jeep hefur notað mótora frá þessu fyrirtæki með hléum frá 1994, Range Rover var með vél frá þeim á tímabili og fleiri hafa notað þessa mótora t.d Ford,  Toyota, Alfa Romeo, Fiat, Hyundai, Daewoo (núna Chevrolet) o.fl.


mbl.is GM þróaði óvart vél fyrir Chrysler
Tilkynna um óviðeigandi tengingu við frétt

Samkvæmt hefð

Það er vel við hæfi að dráttarvélarframleiðandi eigi Aston Martin. Það var nefnilega dráttarvélaframleiðandinn David Brown sem átti fyrirtækið 1947-1972 og DB sem er notað í nafni margra bíla frá Aston Martin en þann dag í dag eru einmitt upphafstafir Sir David Brown. Kannski verður næsti bíll nefndur Aston Martin MM1.
mbl.is Traktorasmiður vill kaupa Aston Martin
Tilkynna um óviðeigandi tengingu við frétt

Síðan hvenær er Lotus þýskur?

"en fyrir tökuna var Lotus Evora, afturhjóladrifinn sportbíll frá Þýskalandi, fluttur sérstaklega til landsins"

Kannski var þessi bíll staðsettur í Þýskalandi en Þýskur er hann ekki, Lotus jafn breskur og breska drottningin.


mbl.is Tóku upp dekkjaauglýsingu á Langjökli
Tilkynna um óviðeigandi tengingu við frétt

Ekki alveg rétt

 "Allir þýsku lúxusbílaframleiðendurnir framleiða jeppa, en enginn þeirra gerði það fyrir árið 1997"

Ekki alveg rétt, Mercedes Benz hefur selt G línuna (Geländewagen) síðan 1979. Að vísu hvorki hönnuðu þeir né smíða hann sjálfir, það var gert hjá Austurríska fyrirtækinu Steyr-Daimler-Puch og síðar Magna Steyr eftir að það fyrra fór á hausinn.


mbl.is Frábær ferðafélagi
Tilkynna um óviðeigandi tengingu við frétt

Mailibu hvað?

Ef Chevrolet merkið er tekið af þessum bíl þá stendur eftir bíll sem heitir Opel Insignia, hvort það er galli eða kostur verða menn að gera upp við sig sjálfir.

General Motor er núna í gríð og erg að markaðsetja Chevrolet í Evrópu og notfæra sér í þeirri markaðssetningu forna frægð hins "Ameríska Chevrolet" en gleyma að sjálfsögðu alveg að geta þess að bílarnir sem þeir eru að selja eru nánast eingöngu Kóreönsk framleiðsla frá því sem einu sinni hét Daewoo (heitir í dag GM Korea) eða þýsk ættaðir Opel.


mbl.is Malibu er kominn aftur
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband