Mailibu hvað?

Ef Chevrolet merkið er tekið af þessum bíl þá stendur eftir bíll sem heitir Opel Insignia, hvort það er galli eða kostur verða menn að gera upp við sig sjálfir.

General Motor er núna í gríð og erg að markaðsetja Chevrolet í Evrópu og notfæra sér í þeirri markaðssetningu forna frægð hins "Ameríska Chevrolet" en gleyma að sjálfsögðu alveg að geta þess að bílarnir sem þeir eru að selja eru nánast eingöngu Kóreönsk framleiðsla frá því sem einu sinni hét Daewoo (heitir í dag GM Korea) eða þýsk ættaðir Opel.

Malibu er kominn aftur

Athugasemdir

[Ómar Ragnarsson, 17.6.2012 kl. 21:53]

Það er liðin tíð að hægt sé að dæma bíla eftir því hvar þeir og einstakir hlutar þeirra eru framleiddir og hvaðan hönnun þeirra er komin.

Þannig er Suzuki Grand Vitara í grunninn sami bíll og Chevrolet Equinos eða Pontiac Torrent voru.

Suzuki Swift er framleiddur í Ungverjalandi.

Toyota Aygo, Citroen C1 og Peugeut 107 eru nokkurn veginn sami bíllinn.

Það verður að dæma hvern bíl út frá því hvernig hann er, ekki hvar hann eða einstakir hlutar hans eru framleiddir eða hannaðir.

Þá kemur líklega í ljós að Chevrolet Malibu er amerískrar gerðar eða með ameríska eiginleika rétt eins og Lancia Thema verður ítalskrar gerðar og með ítalska eiginleika þótt hann sé í grunninn Chrysler 300.